Wednesday, October 11, 2017

Paano Malalaman Kung Buntis Ka?

paano malalaman kung buntis ka

Planado man o hindi ang iyong pagbubuntis, narito ang ilang mga senyales ng pagbubuntis. Ang tatalakayin lang natin dito ay ang "possible signs of pregnancy." Ang pinaka-maagang senyales ng pagbubuntis pero ito ay "posible" pa lamang, walang kasiguraduhan. May 3 kasing kategorya ang senyales ng pagbubuntis: possible, probable at definitive.

Sa possible signs of pregnancy, pwedeng ikaw ay nagdadalang-tao kung nararanasan o nararamdaman mo ang mga ito:

- Hindi ka nagkakaroon ng regla mahigit 6 na linggo na.
- Pagsusuka at pagkahilo. Makakaramdam ka nito as early as 2 weeks after ng pagtatalik.
- Pananakit, pamamaga at paglaki ng suso. (Pero pwede rin itong senyales na magkakaregla ka na)
- Mas mabilis ka nang mapagod.
- Mas madalas na ang iyong pag-ihi. (Kasi habang may batang lumalaki sa tiyan mo, natutulak nito ang iyong urinary bladder o pantog na nagtritrigger para ikaw ay laging maihi)
- Stretch marks.
- Pagkakaroon ng mga ugat-ugat sa hita, binti at ibang parte ng katawan. (Kasi may dagdag na "pressure" sa iyong katawan kaya lumalabas ang mga ugat)
- May parang pag-galaw sa loob ng iyong tiyan. (Bagamat ilang linggo pa lang ang nakakalipas after mong makipagtalik, posible rin na may maramdaman kang kakaiba sa iyong tiyan)

Maaari ka ding bumili ng pregnancy strips sa botika para malaman mong buntis ka. May nakalagay namang instructions sa packaging nito kung paano ang paggamit.

Wednesday, October 4, 2017

Halamang Gamot para sa Hika o Asthma

halamang gamot para sa hika o asthma

Base sa Healing Wonders of Philippine Medicinal Plants, narito ang ilang mga halamang gamot para sa may hika o asthma:

1. Talampunay

talampunay hika asthma

Paano gamitin:

1. Magpatuyo ng dahon ng talampunay.
2. Mag-rolyo ng 2 pinatuyong dahon, sindihan at gamitin na parang sigarilyo.
3. Gawin ito every 6 hours.

Matagal nang ginagamit ang talampunay sa mga may asthma o hika. May mga records ng paggamit nito sa Great Britain. Meron daw kasing atropine ang talampunay kaya naman nakakatulong ito para mawala ang bronchial spasm o paninikip ng dibdib ng mga hinihika.


2. Kalatsutsi

kalatsutsi hika asthma

Paano Gamitin:

1. Magpatuyo ng dahon ng kalatsusi.
2. Mag-rolyo ng 2 pinatuyong dahon, sindihan at gamitin na parang sigarilyo.
3. Gawin ito 1x sa umaga at 1x sa gabi.

Meron daw kasi itong ant-inflammatory properties na nagpapahupa ng pamamaga ng airways ng ating mga baga.


Iba pang mga halamang gamot para sa hika o asthma:

- sampalok (bark)
- kulitis

Saturday, September 23, 2017

Ano ang Gamot sa Ubo ng Baby?


Kung may ubo ang iyong baby o sanggol, huwag mo siyang paiinumin ng gamot sa ubo na pang-matanda. Iba ang formulation o pagkakagawa ng mga gamot pang-matanda. Kumbaga, "mas matapang" ito.

Kung wala ka pang pangpa-checkup at naghahanap ka ng gamot sa ubo ng baby, i-share ko lang yung nabasa ko from Buhay OFW. (Paborito ko yang source kasi mga doktor talaga nag-susulat ng mga articles dyan).

So ayon kay Dr. Jen ng Buhay OFW, ang mga safe na gamiting gamot sa ubo ng baby ay ang mga sumusunod:

Saline nasal drops


Ayon kay Dr. Jen, safe daw gumamit ng saline nasal drops. Hindi naipaliwanag sa article na nabasa ko sa Buhay OFW kung "ano" ang saline nasal drops, pero nakakatulong daw ito para palambutin ang sipon ng iyong baby at nang siya ay makahinga ng maluwag.

Para magkaroon kayo ng idea kung ano ang saline nasal drops, check nyo etong picture na na-google ko. Bale gamot siya na ipinapatak sa ilong ng iyong baby. May maliit na dropper at depende sa dosage na nakalagay sa brand ng gamot na inyong nabili, ipapatak nyo iyon sa butas ng ilong ng inyong baby.

saline nasal drops for baby

Para gamitin ang saline nasal drops, basahin ang instruction na nakalagay sa box. Pero kadalasan, ganito ang paggamit ng saline nasal drops: (Source)

1. Maghugas muna ng kamay bago ibigay ang saline nasal drops.
2. I-check muna kung may nakabarang uhog o sipon sa ilong ng iyong sanggol. Kung meron, linisin ito gamit ang suction bulb (yung pang-baby). Pag kasi barado, hindi papasok sa loob yung ibibigay nyong saline nasal drops.
3. Takalin ang tamang dosage ng saline nasal drops (gamit ang measurement na nasa dropper mismo).
4. Kargahin si baby at suportahan siya gamit ang isa mong kamay. Medyo itingala si baby.
5. Pisilin ang dropper sa isang butas ng ilong ni baby. Dahan-dahan lang para hindi masamid. (Kasi di ba, nakakonekta ang ilong sa lalamunan).
6. Hayaang karga si baby sa loob ng 5 minutes para tuluyang pumasok ang gamot.

Tubig at Breastmilk

Maging sanggol, bata o matanda, kapag may ubo, ang the best pa rin dyan ay pag-inom ng tubig. Tubig para sa mga sanggol na above 6 months na, at breastmilk naman para sa below 6 months ang edad.

Ang tubig at breastmilk ay nakakatulong din para palambutin ang uhog o sipon para mas madali itong maiubo ni baby. Dalasan ang pagpapa-inom ng tubig o pagpapadede sa baby kapag siya ay may ubo at sipon.

Honey


Ayon kay Dr. Jen, pwede raw ang honey sa mga baby o batang nasa 1 year old and above ang edad. Pero pag buwan pa lang ang edad, hindi pwedeng ibigay ang honey.

Bigyan ang bata ng kalahating kutsarita ng honey bago matulog. Nakakatulong ito para maibsan ang makati o nakakairitang lalamunan ng iyong baby kapag siya ay may ubo.


Para sa mas detalyadong gamot sa ubo ng baby, check niyo etong article ni Dr. Jen sa Buhay OFW.

Wednesday, August 30, 2017

Pamparegla na Pagkain: Mga Pagkaing Pwedeng Kainin Para Bumalik ang Regla

Image Source


Hindi nireregla? Baka buntis?

Wag assuming lalo na't wala namang boyfriend at hindi nakikipagtalik.

Kung iregular ang iyong regla o menstruation, o hindi ka dinadatnan 2-3 buwan na, posibleng may sakit ka sa obaryo pero napakadalang nito.

Ang pinaka-usual daw na cause ng pagkawala ng buwanang dalaw ay stress. Totoo 'yon. May kaklase ako dati, 2 months na siyang hindi nireregla.

NBSB naman siya pero wala pa ring regla. Ang sabi sa kanya ng doktor ay dahil sa stress. Stress sa pag-aaral ng kursong nursing.

Binigyan siya ng mga supplements para bumalik regla niya. Bumalik naman tapos nung dinatnan na, sabi ng kaklase ko parang dapat kumot na ang i-napkin niya sa sobrang dami.

Kung di niyo naman afford magpa-checkup sa doktor, pwede niyo i-try itong mga pamparegla na pagkain. Pero advisable na magpa-checkup lalo na't super tagal na wala kayong regla.

Pamparegla na Pagkain


Luya


Bukod sa pampaganda ng boses ang salabat, pwede rin itong makatulong para magkaregla ka kasi nag-aaid ito sa contractions ng uterus o matris mo. Magdikdik lang ng luya at pakuluin ito. Lagyan ng asukal o honey kung gusto mo ng manamisnamis. Inumin ito 3x a day for 1 month.

Luyang dilaw o turmeric


Pwede ring gawing pamparegla ang luyang dilaw. Kung wala ka makita sa palengke, meron ding luyang dilaw sa mga supermarket ng mga mall. Dikdikin ang luyang dilaw at pakuluan. O kaya naman ay pakuluan ang turmeric powder. Inumin ito 2x a day.

Papaya 


Kumain ng hinog na papaya. Mayaman kasi ito sa carotene. Ang carotene ay hindi lamang pampalinaw ng mata. Nakakatulong din ito para magproduce ang iyong katawan ng estrogen hormone - kemikal sa katawan na responsable rin sa pagkakaroon ng regla. Kung may available na maliliit na papaya, kumain nito 1x araw-araw. Kung malaki naman ang available sa palengke, kumain ng 2-3 slices.

Pinya

Ang pagkain ng pinya ay nagbibigay init sa katawan kaya nakakatulong ito para ikaw ay magkaroon ng regla. Pwede niyo itong gawing dessert o panghimagas kada meals.

Aloe Vera


Yes po. Pwedeng kainin ang Aloe Vera. Ngayon ko lang din nalaman. Akala ko pangkuskos lang ito sa anit para lumago ang buhok. Kumuha ng mga dahon ng Aloe Vera, balatan at kayudin yung gel. Durugin o i-blender ang gel para gawing juice. Lagyan ng konting tubig at haluin. Pwede ring lagyan ng asukal o honey. Inumin 1x before breakfast.

Pagkaing may protina gaya ng itlog at tokwa


Ang mga pagkaing may protina ay nakakatulong din para ikaw ay magka-regla. Pinakamainam kainin ang itlog at tokwa. Pwedeng ilaga ang itlog, iprito o isahog sa iba niyo pang ulam. Sa tokwa naman, pwede mo siyang iprito, ilahok sa salad o gawing tokwa't baboy.

Iba pang pagkaing pamparegla:

- parsley
- celery
- ubas
- kalabasa


Sources:
1 / 2 / 3



Monday, July 31, 2017

Pawising Kamay: May Pag-asa pa bang Gumaling?

Image Source: Chirit.com

Nasubukan mo na lahat ang iba't ibang home remedies para sa pawising kamay. Pero hanggang ngayon, parang gripo pa rin kung mamawis ang iyong mga palad. Sa madaling salita, wa-epek.

Nawawalan ka na ng pag-asa. Ang iyong sweaty fingers ay masyado nang nakasasagabal sa pang-araw-araw mong pamumuhay. Hirap kang makisalamuha sa iba. Ni hindi mo magawang makipag-kamay, tapos aakalain pang suplado/suplada ka.

Nag-google ka na nang nag-google ng home remedies pero wala pa rin. May nakita kang ibang solusyon pero surgery naman. Medyo mabigat sa bulsa. Bukod doon, takot kang magpa-opera.

Sa mga nabasa ko, if magpapa-surgery ka para magamot ang iyong hyperhidrosis (medical term para sa mga taong may kondisyon na labis na pagpapawis), umaabot ito ng 50,000 pesos.

Pero huwag ka mawalan ng pag-asa. Bagamat isa ang surgery sa pinakamabisang solusyon para sa mga taong may hyperhidrosis, meron pang mas affordable na paraan para gumaling ang iyong pawising kamay, at ito ay tinatawag na iontophoresis.

Ano ba ang iontophoresis? Paano ba ito ginagawa para magamot ang pawising kamay?


Ang iontophoresis ay isang uri ng treatment para sa mga taong labis na nagpapawis ang kamay at paa. Ito ay ginagamitan ng iontophoresis machine. Ganito itsura nya:

Image Source: Iontoderma.com
Mukhang simpleng machine lang di ba? Parang hard case na plastic envelope lamang siya na may paddings.

Pero paano nga ba gamitin ang iontophoresis machine?


Simple lang ang paggamit nito. Gaya ng nasa larawan, ipapatong mo lang yung kamay (or paa) mo dun sa paddings na may tap water solution. Tapos i-oon mo yung machine. Makakaramdam ka ng konting kuryente kasi ganun mag-work ang iontophoresis machine. Regulated naman ang boltahe kaya no worries.

Yung mild electricity current kasi, may kakayahan siyang i-decrease yung pagproproduce ng pawis ng sweat glands mo. Ayon sa mga studies, ang iontophoresis treatment ay may kakayahang i-decrease ang pagpapawis ng kamay at paa from 81 percent to 91 percent. Not bad na di ba?

Tapos, gagawin mo lang eto at least 1x per week.

Dati-rati, vivisit ka pa ng mga clinic o ospital para magpa-iontophoresis kasi sila lang yung may ganung equipment. Pero may portable iontophoresis machines na gaya ng nasa picture. Kaya pwedeng-pwede kang mag-iontophoresis treatment sa inyong bahay.

Magkano ba ang iontophoresis machine?

Kumpara sa surgery, mas mura ang magpa-iontophoresis treatment. Bagamat "mas mura," kailangan mo pa ring mag-ipon kasi nasa 20k plus ang iontophoresis machine. Kaya bawas Starbucks at Mcdo muna para makaipon.

Magandang investment ang iontophoresis machine para sa sarili mo. Yung mala-gripo mong pagpapawis, pwedeng mabawasan at gumaling nang hindi ka na magpa-opera.

Saan ba merong iontophoresis machine sa Pilipinas?

Sa Iontoderma meron. Check mo website nila. Pwede ka umorder online. Eto website: https://iontoderma.com/

If ayaw mo umorder online, pwede ka makipag-meet up sa mga agents ng Iontoderma basta within Metro Manila. Click mo na lang yung button sa homepage na "Buy in person (Manila)."

Saturday, July 15, 2017

Gamot sa Sobrang Pamamawis? Alamin ang Iba't Ibang Solusyon

gamot sa sobrang pamamawis

Wala ka dapat ikabahala kung ikaw ay nagpapawis kapag mainit ang panahon o kaya naman ay may ginawa kang medyo heavy at galaw ka nang galaw. Normal lang ito. Lahat ng tao ay namamawis sa mga ganitong sitwasyon.

Pero paano kapag malamig na ang panahon at konting kibo mo lang ay sobra-sobra na ang pamamawis mo? Fresh na fresh ang itsura ng lahat ng mga kasama mo pero ikaw, para kang naligo sa ulan. Ang tawag sa ganitong kondisyon ay hyperhidrosis na kung saan ay labis ang pamamawis ng iyong katawan.

Kadalasan, nagiging pawisin ang isang tao sa pagtapak niya sa pagbibinata o pagdadalaga. Mas active na kasi ang sweat glands natin na mag-produce ng pawis kapag nasa adoloscent age na tayo. Yung iba, nawawala ang hyperhidrosis habang tumatanda. Yung iba naman ay hindi, pawisin pa rin.

Kung isa ka sa mga taong nanatili ang hyperhidrosis, meron pa namang pag-asa para ito ay gumaling. Maraming iba't ibang hyperhidrosis solution ang iyong pwedeng subukan para magamot ang sobra mong pamamawis. Ito ay ang mga sumusunod:

Pagbabago ng iyong lifestyle


Ang pagbabago sa iyong lifestyle ay hindi naman talaga gamot sa sobrang pamamawis, pero makakatulong ito para mabawasan ang iyong labis na pagpapawis. Gawin ang mga sumusunod:
  • Gumamit ng anti-perspirant o kahit deodorant man lang para mabawasan ang sobrang pamamawis ng kili-kili.
  • Magsuot ng mahangin, manipis o maginhawang damit para makadaloy ang hangin at matuyo-tuyo ang pawis na nag-bubuild up sa katawan.
  • Bawasan din ang pagkain ng maaanghang na pagkain, alak at kape kasi magpapawis ka kapag kinain o ininom mo ang mga ito.
  • Maglagay ng shoe pads para masipsip yung pawis sa paa.

Sumailalim sa iontophoresis treatment

Natalakay na natin ito nung minsan. Ang iontophoresis ay isang uri ng gamot sa sobrang pamamawis na ginagamitan ng iontophoresis machine. Ilulublob mo ang iyong mga kamay o paa sa isang lalagyan na may tubig tapos may konting electrical current na dadaloy sa iyo. Regulated at calibrated naman ito kaya wala ka dapat ikabahala.

Paggamit ng anticholinergic drugs

Kapag ikaw ay nagpa-checkup sa doktor para malaman kung ano ang gamot sa sobrang pamamawis, kadalasan ay i-advice nila na mag-take ka ng anticholinergic drugs. Ito yung mga klase ng gamot na talagang iminumungkahi para makontrol mo ang labis na pagpapawis ng iyong katawan. Ang pinaka-common na anticholinergic drugs para sa hyperhidrosis ay oxybutynin, glycopyrrolate at propantheline.

Pagpapa-botox injection

Hindi lamang pampawala ng kulubot ang pagpapa-botox injection. Ang gamot na ginagamit sa botox injection ay pwede ring gamot sa sobrang pamamawis ng kamay, paa at kili-kili. Kapag nagpa-botox ka, pawis-free ka sa loob ng 6 months to 1 year.

Pagpapa-opera o surgery

Kung malala na talaga ang iyong hyperhidrosis, ang last resort mo na ay magpa-opera, na kung saan ay i-cucut ng doktor ang iyong sweat glands para hindi ka na magpawis. Pwede ka magpa-liposuction o kaya naman ay ETS surgery. Check niyo ang article na 'to: Hyperhidrosis Treatment Overview


Hindi naman nakamamatay ang hyperhidrosis pero nakakahiya na rin kasi at nawawala ang iyong confidence kapag lagi kang namamawis. Bagamat may home remedies para masolusyonan ang iyong pagpapawis, ang effect nito ay hindi pangmatagalan.

Kaya kung ikaw ay naghahanap ng pangmatagalan na solusyon, magpa-checkup sa doktor at tanungin kung ano ang pinaka-epektibong gamot para sa iyo.

Tuesday, July 11, 2017

Tanglad Para sa Highblood: Paano Ito Ihanda Bilang Gamot sa Mataas na Presyon


Kung ikaw ay magtatanong sa mga kakilala mo kung ano ang mabisang halamang gamot para sa mataas na presyon, ang isa sa madalas na i-suggest nila ay tanglad.

Bukod sa bawang, ang tanglad o lemongrass ay naturingan ding effective na gamot para sa highblood kasi ito ay may anti-cholesterol properties. Kumbaga nililinis nito yung mga nakabarang cholesterol sa ugat mo na kung saan dumadaloy yung dugo.

Tama. Hindi lang basta pampabango at pampalasa ng pagkain ang tanglad. Halamang gamot din ito para sa altapresyon.

Kaya kung ikaw ay may highblood, pwede kang sumubok ng tanglad. Pero paano nga ba ito iprepara?

Tanglad para sa highblood: Paano ito iprepara

Madali lamang ihanda ang tanglad para sa highblood. Gagawa ka lang ng tsaa at iinumin mo 'to ng 2x-3x a day.

*Nakuha ko ang prosesong ito sa The Power of Herbal Medicine

Ingredients:

1 tali ng dahon ng tanglad
4 na basong tubig
1-2 kutsarang asukal (optional)

Procedure:

1. Gayatin ang mga dahon ng tanglad sa mas maliliit na haba at hugasan ito.
2. Magpakulo ng 4 na basong tubig at ilagay ang mga ginayat na dahon ng tanglad.
3. Pakuluan lamang ito within 3-5 minutes.
4. Salain ito.
5. Pwede mong inumin nang puro ang tsaa na gawa sa tanglad o kaya naman ay pwede kang mag-asukal ng 1-2 kutsara.

Para mas maintindihan niyo, panuorin din ang ginawang video ng Pinoy Herbs & Fruity Medicine.


Sunday, July 9, 2017

Gamot sa Pangangati ng Balat: Mga Lunas para Hindi Ka na Kamot nang Kamot

gamot sa pangangati ng balat

Halos magsugat na ba ang balat mo dahil sa hindi mapigilang pagkakamot?

Naranasan ko na din yan noong nasa elementary at high school pa lamang ako. Wala naman akong sakit sa balat, pero sadyang ang kati ng balat ko.

Kamot ako nang kamot sa hita ko, sa alak-alakan ko, o kaya naman ay sa binti ko. Ni hindi nga ako makapag-shorts dati kasi ang dami kong peklat dahil sa kamot.

Naliligo naman ako at naghihinaw ng katawan bago matulog. Pero kahit pagkatapos maligo, makati pa rin.

Pero nawala yung pangangati ng balat ko noong gumamit ako ng Dr. Wong's Sulfur Soap. Naliligo muna ako ng normal na sabon ko tapos sunod eh yung sulfur soap.

Pero kung gusto mo ng iba pang paraan para mawala ang pangangati ng balat mo, try mo ang mga home remedies na ito:

Baking soda


Mula panlinis ng kung anu-ano o kaya naman ay gamot sa pangangati ng balat, kayang kaya ito ng baking soda. Meron kasi itong anti-inflammatory properties.

Di ba kasi kapag nangangati ang iyong balat namamantal ito o nagiging inflamed. Kaya naman kapag ginamitan mo ng baking soda ang nangangati mong balat, huhupa ito.

Para gamitin ang baking soda, haluan mo yung tubig sa timba na pampaligo mo. O kaya naman kung may bath tub ka, magbabad ka dun at least 30 minutes.

Lemon o calamansi


Magkano ba ang lemon sa palengke? Kung mahal, mag-calamansi na lang. Meron din kasing anti-inflammatory properties ang lemon at calamansi gaya ng baking soda na nakakagamot sa pangangati ng balat.

Gaya na lamang kapag masakit at nangangati yung ating lalamunan, di ba ang advice sa'tin ay uminom ng calamansi juice para mawala-wala ang pananakit at pangangati? Ibig sabihin, kayang-kaya din nitong pagalingin ang pangangati ng balat.

Malamig na tubig

Kapagka wala kang baking soda o calamansi sa bahay at mamamalengke ka pa ng mga yun, pwede mong pang-first aid sa pangangati ng balat ang malamig na tubig.

Ilubog mo yung bimpo sa palanggana ng malamig na tubig tapos pigain mo. Punasan ang balat na nangangati. O kaya naman, pwede mo syang ipanghinaw o ipampaligo.


Anu-ano pang home remedies para sa pangangati ng balat ang alam niyo? Share niyo sa comment box!

Wednesday, June 28, 2017

Ano ang Mabisang Gamot sa Pawising Kamay at Paa?

gamot sa pawising kamay at paa


Meron ka bang pawising kamay o kaya naman ay pawising paa?

Ni hindi mo magawang makipag-holding hands sa boyfriend o girlfriend mo (kung meron man) kasi nakakahiya.

O kaya naman pag may pawisin kang paa, nahihiya kang magtanggal ng sapatos mo kapag bumibisita ka sa ibang bahay kasi baka umalingasaw yung amoy.

Diyahe di ba?

Mga simpleng problema pa lang yan pero napakaraming masamang epekto ang pagkakaroon ng sweaty hands and feet sa iyong pang-araw-araw na buhay.

Masamang epekto ng pagkakaroon ng pawising kamay at paa

Hindi lamang ang iyong love life ang maapektuhan kapag ikaw ay may pawising kamay at paa, o yung tinatawag nating hyperhidrosis - medical term para sa taong labis-labis ang pamamawis sa katawan.

Naaapektuhan din nito ang iba't ibang aspeto ng iyong buhay gaya ng iyong pakikisalamuha sa ibang tao, mga araw-araw na gawain o trabaho, at emosyonal na aspeto.

Ilan lamang sa mga sumusunod na problema ang palagiang na-eencounter mo:

  • Nahihiya ka makipag-shake hands.
  • Nahihirapan ka sa pagmamaneho.
  • Madulas-dulas ka na sa paglalakad.
  • Kung anu-anong sakit sa balat ang tumutubo sa pawisin mong paa.
  • Hindi mo mapihit yung door knob o shower.
  • Naka-medyas o naka-gloves ka pa rin kahit tirik na tirik yung araw.
  • Pakiramdam mo mukha ka laging dugyot.
  • Hirap kang humawak ng mga tools.
  • Nababasa lagi yung papel na sinusulatan mo.
  • Lagi ka nang na-dedepress at wala ka nang confidence humarap sa ibang tao.
  • Mas marami kang nilalabhan na damit, gloves, medyas kasi madali kang magpawis.
  • Madalas kang maaksidente o madapa kasi ang dulas ng paa mo dahil sa pawis. 
  • Hindi ka makatakbo nang ayos dahil sa pawising paa.

At marami pang iba. Pero ang good news, pwede mo namang masolusyunan ito sa pamamagitan ng iontophoresis.

Iontophoresis: Mabisang Gamot sa Pawising Kamay at Paa

Ang iontophoresis ay isang uri ng non-invasive treatment na ginagamitan ng special machine para gamutin ang iyong pawising kamay o paa. *Non-invasive, ibig sabihin walang ooperahin sa parte ng katawan mo, sa madaling salita, hindi ito madugong procedure.

Bale sa treatment na ito, ipapatong mo yung kamay mo or yung paa mo sa iontophoresis machine na naglalaman ng special solution (pwede ring tubig lang), tapos pag i-oon mo na yung machine, mag-sesend ito ng bahagyang electrical current sa iyong kamay o paa.

Tama. Kukuryentehin ka ng very light. Pero hindi ba ito delikado?

Safe po ang mag-undergo ng iontophoresis treatment. Para ka lang nangingimi o may maliliit na tumutusok sa kamay o paa mo habang nag-treatreatment, kaya yakang-yaka mo yan.

Watch niyo 'to para magka-idea kayo kung pano isinasagawa yung iontophoresis:





Saan merong iontophoresis?

Dati, sa mga clinic o ospital lang available magpa-iontophoresis treatment. Pero ngayon, pwede ka ng bumili ng sarili mong iontophoresis machine.

Meron sa Iontoderma na iontophoresis machine na ang tawag eh Iontoderma-iD 1000 (yung nasa video). Ito ay mabisang gamot sa pawising kamay at paa.

Pwede ka sa kanila umorder online o kaya naman ay pumunta ka sa branches nila dito sa Pilipinas kung hindi ka komportable sa online shopping. Check niyo na lang website nila.


Praktikal bang bumili ng sarili mong iontophoresis machine? Di ba pwedeng home remedies na lang?

Eto ha, maraming home remedies ang pwedeng gamot sa pawising kamay at paa gaya ng apple cider vinegar, cornstarch, lemon juice, kamatis at marami pang iba.

Pero kung ikaw ay busy na tao at wala kang panahon para mamalengke araw-araw o linggo-linggo ng mga home remedies na ito, at puhunan mo naman talaga sa trabaho ang iyong kamay at paa (sino ba namang hindi), mas okay na mag-iontophoresis machine ka.

Halimbawa, nasa meeting ka at syempre laging nakikipagkamayan ka sa mga ka-meeting mo, pawisan ung kamay mo, mamasa-masa na after nung meeting. Alangang dun ka pa magpahid sa opisina ng cornstarch at magdurog-durog ng kamatis.

Pero pag nag-iontophoresis ka na sa bahay niyo, long-term effect na ito sa buong araw. Mapipigilan niya yung pagpapawis ng kamay o paa mo kasi yung mild electrical current, may kakayahan siyang itigil yung pagproproduce ng pawis sa sweat glands. Pang-matagalan pa yung machine, hindi nabubulok, hindi pa hassle sa pagpreprepare.

Ito ay isinulat sa pakikipagkolaborasyon sa Iontoderma upang magbahagi ng kaalaman at masolusyonan ang mga taong pasmado o may pawising kamay at paa.

Kaya kung ikaw ay naghahanap ng mabisang gamot sa pawising kamay at paa, try mo ang iontophoresis treatment.

Thursday, June 1, 2017

First Aid sa Kagat ng Aso

first aid sa kagat ng aso

Noong bata pa ako, nakagat ako ng alaga naming aso. Kinukulit ko kasi. Kaya ayon, nakagat. Ang naaalala kong first aid na ginawa sakin noon ay pagtapal ng bawang doon sa maliit kong sugat. (Saka na natin pag-usapan kung epektibo ngang pang-first aid ang bawang sa kagat ng aso).

Pero kung ikaw ay nakagat ng aso, eto muna ang iyong dapat unahing gawin, bago ang lahat-lahat.

Gawin ang sumusunod na first aid sa kagat ng aso:

1. Hugasan ang nakagat na parte ng katawan gamit ang sabon at tubig. 

Kahit anong anti-bacterial soap ay pwedeng gamitin para hugasan ang nakagat na parte ng aso. Pwede kang gumamit ng mga sikat na anti-bacterial soap gaya ng Safeguard. Nakatutulong ito para maiwasan ang pagkalat ng impeksiyon sa sugat.

Kung wala ka namang anti-bacterial soap, kahit anong gamit niyong sabon na pampaligo, basta mahugasan agad.

Pero ayon dito sa artikulo ng RiteMed, mainam din daw ang sabong panglaba kasi mas matapang daw itong pamatay ng bacteria. Kunsabagay, may anti-bacterial properties din naman kasi ang mga sabong panlaba.

2. Sabunin nang maigi ang sugat sa umaagos na tubig sa loob ng 10 minutes.

Nakatutulong ang paghugas sa running water para ma-wash away talaga ang mga present na bacteria sa sugat, o kaya naman ay para mahugasan nang husto ang anumang virus na nasama sa laway ng aso.

Pagkatapos mahugasan ang sugat sa umaagos na tubig, banlawan ito nang ayos at patuyuin gamit ang isang malinis na panyo o bimpo.

3. Gaya ng pag-aasikaso sa normal na sugat, pahiran ito ng povidone iodine (o Betadine).

Ang povidone iodine ay pwedeng ipahid para lamang sa mga mabababaw na sugat, o kapag galos lamang ang kagat ng aso.

Pero kapag grabe ang kagat ng aso o puncture wound (yung patusok at baon ang pagkakakagat), hindi inaadvise na pahiran ito ng povidone iodine dahil nakakabagal ito ng pag-galing ng sugat.

4. Pagkatapos ay dalhin ang pasyente sa ospital para mas masuri nang maigi ng mga doktor.

Noong nakagat ako ng aso, hindi ako dinala sa health center o ospital kasi galos lang at ang naka-kagat sakin ay yung aso namin. Kumbaga sabi ng mga nakakatanda, ayos lang kasi sariling aso yung nakakagat at alam namin kung malinis o hindi.

Pero para mas safe at sigurado, dalhin ang pasyente sa health center o ospital para masuri. Mapa-aso niyo o aso ng iba ang nakakagat sa inyo.


5. Hulihin at obserbahan ang asong nangagat within 10 days. 

Ang incubation period kasi ng rabies ay pwedeng 1 week. Kumbaga, hindi porket nakagat ka ngayong araw tapos hindi ka nagkasintomas ng rabies kinabukasan eh safe ka na. Kaya sinu-suggest na obserbahan yung aso kahit hanggang 10 days.

Kung after 10 days at napansin mong naglalaway at parang naging 'ulol' yung aso, malaking posibilidad na may rabies ito.


Pero tandaan na pwedeng magkasintomas ka pa rin ng rabies kahit after 1-3 months ka nang nakagat ng aso. Kahit nga 1 year, pwede kang magkaroon ng rabies symptoms depende sa parteng nakagat at gaano ito kalala.


Para sa iba pang dagdag na detalye, basahin ang mga artikulong ito:

1. First Aid Tips para sa Kagat ng Aso
2. Rabies sa Pilipinas

Sunday, April 9, 2017

Nakakagaling nga ba ang Breast Milk o Gatas ng Ina ng Sore Eyes?



Isang common practice sa'ting mga Pinoy na gamitin ang breast milk o gatas ng ina para "pagalingin" ang sore eyes.

Pero nakakagaling nga ba ang gatas ng ina ng sore eyes?

Kung mag-googoogle din kayo, marami kayong mababasa na nakakagaling daw ang breast milk ng sore eyes, kasi ang breast milk daw ay may anti-bacterial properties na nakakapagpagaling ng impeksyon.

Kung ating iisipin, tama nga naman. At maraming tao rin ang nagtetestimonya na nakakagaling nga ng sore eyes ang gatas ng ina. Gaya nito: (Mga ini-screenshot ko sa website na nagtatalakay about breast milk for sore eyes.)




O kahit kayo, may sarili kayong kwento na nakapagpagaling nga ang breast milk ng sore eyes.

Pero alam niyo ba na ang sore eyes ay gumagaling nang kusa kahit within 3-5 days lang basta nag-oobserve kayo ng proper hygiene, nililinis at tinatanggal ang muta, at hindi kinukusot ang mata?

Kaya maaaring na-condition lang ang mga isip natin na ang nakapagpagaling nga nito ay yung pinatak niyong breast milk. Pero yun pala, pagaling na talaga yung sore eyes.

Ayon din kay DOH Secretary Paulyn Ubial (Duterte Admin), hindi niya nirerekomenda ang paggamit ng breast milk sa sore eyes

Bukod sa walang sapat na studies para dito, may panganib na dulot ang pagpatak ng gatas ng ina lalung-lalo na sa mga mata ng sanggol.

Base sa nabasa ko, nakakasira ng cornea ng sanggol ang pagpatak ng breast milk sa mata. Base sa artikulo, ayon sa mga magulang ng sanggol, lalong lumala ang impeksyon ng anak nila nang sinunod nila ang common practice na ito. At ang malala, nabulag ang kanilang sanggol.

At parang naniniwala ako rito. Noon kase nung elementary pa lang ako, may kaklase akong bulag, under siya ng SPED (Special Education), mga batang may kapansanan. Inihahalo sila sa mga regular class paminsan-minsan para makihalubilo at maki-learn kasama ang regular class.

Tinanong ko kung bakit siya nabulag. Ako kasi yung katabi niya at parang guide niya. Ang sabi niya, di daw talaga siya pinanganak na bulag kwento ng magulang niya. Pero noong baby pa lang daw siya, nagka-sore eyes daw siya at pinatakan siya ng gatas ng ina. Pagkatapos nun, lumala at nabulag siya.

Conclusion

Dapat bang patakan ng gatas ng ina ang taong may sore eyes?

Ang sagot ko ay HINDI.

Bakit hindi? Mga rason:

- walang sapat na studies na nakakagaling nga

- kahit mga may testimonya na nakakagaling, maaaring ang sore eyes ay gumaling lang nang kusa, kasi gumagaling ito within 3-5 days kahit walang gawin basta malinis sa katawan

- hindi rekomendado ni kasalukuyang DOH Secretary Ubial ang breast milk para sa sore eyes

- may mga sitwasyon na ang pagpatak ng breast milk sa mata ng sanggol ay naging sanhi ng pagkabulag

Sunday, March 5, 2017

Halamang Gamot Para sa Highblood


Kung kayo po ay hina-highblood at walang pambili ng gamot, maaari niyo pong subukan ang mga sumusunod na halamang gamot.

Ito po ay aking na-research sa Kalusugan.ph, isa sa mga pinagkakatiwalaang Pinoy health websites. Aking sisimplehan na lamang sa post na ito.

Halamang gamot para sa highblood


1. Bawang


Kabilang ang bawang sa 10 halamang gamot na aprubado ng DOH. Kaya kung naghahanap kayo ng halamang gamot para sa altapresyon, bawang muna ang inyong subukan.

Paraan ng paggamit:

1. Maghiwa ng bawang at ilagay sa ilalim ng dila sa loob ng ilang minuto.
2. Pwede ring dikdikin at kunin ang katas.


2. Sariwang buko juice


Bukod sa UTI, pwede ring panggamot ang buko juice sa highblood.

Paraan ng paggamit:

1. Inumin na parang tubig. Huwag haluan ng asukal.

3. Salabat


Hindi lamang pampaganda ng boses ang salabat, ang maanghang at matapang na lasa nito ay nakakapagpababa rin ng altapresyon.

Paraan ng paggamit:

1. Maglaga ng luya.
2. Salain at inumin ang pinaglagaan.

4. Kintsay


Masarap na sahog ang kintsay sa mga pagkain, lalo na sa bihon. Pero ito ay nagtataglay ng kemikal kontra altapresyon.

Paraan ng paggamit:

1. Kainin nang hilaw.
2. Pwede ring gamiting pansahog sa vegetable salad.

5. Gumamela


Tama. Nakakain pala ang bulaklak ng gumamela, at mabisa itong pantanggal ng sodium o asin sa katawan na nagiging sanhi ng highblood.

Paraan ng paggamit:

1. Magpatuyo ng bulaklak ng gumamela.
2. Ilaga and pinatuyong bulaklak.
3. Salain at inumin ang pinaglagaan.

6. Buto ng sunflower


Hindi lang masarap na kutkutin ang buto ng sunflower, pero pwede rin itong gamot sa highblood.

Paraan ng paggamit:

1. I-roast ang buto ng sunflower.
2. Huwag lalagyan ng asin.
3. Balatan at kainin.

Wednesday, March 1, 2017

Mga Pagkaing Pampabata ng Itsura


Habang tumatanda ang isang tao, kumukulubot ang balat nito, sapagkat kumokonti na ang collagen na responsable para maging banat/batak at flexible ang balat. Kapag wala nito, magkukulubot ang balat na siya namang nagiging sanhi sa pagtanda ng itsura. Umuunti ang collagen sa katawan kapag masyadong nasisikatan ng araw at palaging naii-stress.

Para mapreserba ang collagen ng balat at magmukhang bata ulit, kumain/uminom ng mga sumusunod na pagkain:


  • Pipino
  • Virgin Coconut Oil
  • Rosas (oo, nakakain ang bulaklak nito)
  • Kangkong
  • Bellpepper
  • Broccoli
  • Salmon
  • Kamatis
  • Dark chocolate
  • Kamote
  • Itlog
  • Repolyo
  • Orange
  • Lemon
  • Bawang
  • Carrots
  • Avocado
  • Pinya
  • Kabute
  • Pakwan
  • Mansanas
  • Saging
  • Kape
  • Tahong
  • Talaba
  • Katang
  • Hipon
  • Keso
  • Red wine
  • Kasoy
  • Tubig


Kayo? Ano pa ang alam ninyong mga pagkain na pampabata ng itsura?

Friday, February 24, 2017

Natural na Paraan Para Pumuti ang Balat

pampaputi ng balat

Maraming whitening soaps ngayon sa market, pero yung mga effective talagang sabon na pampaputi eh nagkakahalaga ng 1000 plus pesos. Nakakawasak talaga ng budget.

Kaya nag-research ako ng mga natural na paraan para pumuti ang balat. Marami akong nakikita na gumamit daw ng oatmeal, yogurt, honey, almond milk, at iba pang mga sangkap na ang hihirap naman hanapin sa Pilipinas, o kaya naman ay mahal. Kaya ang isinama ko na lang dito ay yung mga madaling hanapin sa palengke.

Kung gusto mong pumuti ang iyong balat in a budget, try mo gawin ang mga home treatment na ito:

Pampaputi ng balat: Lemon o calamansi

pampaputi ng balat lemon calamansi

Parang ang sosyal naman, lemon. Kala ko ba yung madali lang hanapin?

Marami na pong lemon na itinitinda sa palengke, sa may mga prutasan. Kung namamahalan kayo sa lemon, pwede rin ang calamansi.

  1. Para gamitin itong pampaputi ng balat, gayatin lang ang lemon o calamansi.
  2. Ikuskos ito sa mga parte ng katawan na gusto mong pumuti. Pwede rin sa mukha. Pero huwag ipahid kung ikaw ay may mga tagihawat kasi mahahapdian ka.
  3. Hayaang tumagal ang katas ng lemon o calamansi ng mga ilang minuto (2-3 minutes).
  4. Pagkatapos ay hugasan ito gamit ang maligamgam na tubig.
  5. Gawin ito kapag ikaw ay naliligo sa umaga at gabi.

Pampaputi ng balat: Kamatis


pampaputi ng balat kamatis

Ang kamatis ay kilalang pampalinaw ng mata, pero kilala rin itong pampaputi ng balat.

  1. Para gamitin ang kamatis, gumawa ng "paste" mula rito. Parang gagawin mo siyang facial mask o pantapal sa balat.
  2. Kung ikaw ay may blender, i-blender ang kamatis. Kung wala naman, gayatin at tadtarin ito nang pino.
  3. Ipahid ang tomato paste sa balat. Hayaan ito sa balat within 20 minutes.
  4. Hugasan ng maligamgam na tubig.
  5. Gawin ito isang beses sa loob ng isang araw.

Para mas epektibo ang kamatis, uminom din ng homemade tomato juice tuwing umaga.

Pampaputi ng balat: Papaya

pampaputi ng balat papaya

Gaya ng pag-inom ng tomato juice, ang pagkain ng papaya araw-araw ay nakakaputi na. Pero pwede ka ring gumawa ng paste o facial mask mula sa papaya.

  1. Magdurog ng hinog na papaya.
  2. Haluan ito ng lemon juice (o calamansi juice).
  3. Ipahid sa mukha at balat.
  4. Hugasan after 20 minutes.
  5. Gawin ito isang beses sa loob ng isang araw.

Ano pang natural na paraan ang alam niyong pampaputi ng balat?

Wednesday, February 22, 2017

Halamang Gamot Serpentina: Mga Sakit na Kaya Nitong Pagalingin

halamang gamot serpentina

Ang Serpentina, o Indian Snakeroot, ay isang uri ng halamang gamot na laganap sa Asia, lalung-lalo na sa India, Indonesia, China at syempre, Pilipinas.

Tinagurian itong King of Bitters, dahil sa sobrang kapaitan nito, tinalo pa ang ampalaya. Gaano ito kapait? Ang maliit na pirasong dahon nito na pinakuluan ay mas mapait pa raw ng 10 beses sa ampalaya juice na galing sa malaking bunga.

Kaya dahil sa taglay na kapaitan ng halamang gamot na serpentina, kayang-kaya nitong magpagaling ng sakit na diabetes. Pero hindi lamang diabetes ang kaya nitong pagalingin, marami pang ibang klase ng sakit o kondisyon gaya ng:


  • high blood
  • insomnia
  • hysteria
  • katarata
  • lagnat
  • schizophrenia
  • pampamanhid o pampakalma
  • nerbyos o sobrang pag-aalala
  • psychosis
  • epilepsy
  • cholera
  • hirap na panganganak
  • kagat ng makamandag na hayop
  • dysmenorrhea
  • pagtatae
  • mga sakit sa utak o pagkabaliw
  • psoriasis o iba pang sakit sa balat
  • sakit sa puso
  • goiter
  • rayuma
  • pananakit ng tiyan
  • pagtitibi


At marami pang iba.

Tuesday, February 21, 2017

Bawal ba Talagang Maligo ang May Regla?


Siguro, may nanay kayo na sinabihan din kayo na huwag maliligo kapag may regla o mens dahil kayo ay maloloka. Usong-usong advice ito mula sa ating mga nanay hanggang early 2000s. Kahit nga nanay ko, sinabihan din akong huwag maligo noong una akong nagkaroon ng regla. Ang pwede lang ay maghinaw. Pero ito ay nagbago nang naging mas informed ang mga tao.

Bawal ba talagang maligo ang may regla? Ang sagot ay hindi bawal.

Isipin na lang natin kung ano ang nararamdaman natin kapag tayo ay nireregla:

- mas lalong nanlalagkit ang katawan
- mas lalong pinagpapawisan
- mas iritable
- mas madaling magkaroon ng amoy
- mas nagiging malangis ang buhok at mukha
- mas tinutubuan ng tagihawat
- mas madaling mapagod
- mas maraming nararamdamang pangangati sa balat

At marami pang iba. Ang simpleng hinaw ay di sapat para alisin ang lahat ng mga ito.

Ang pagkakaroon ng regla ay nagbibigay ng unpleasant na pakiramdam at napaka-stressful. At kung hindi ka pa maliligo, lalo pa itong lalala. Bukod sa mga nabanggit sa taas, kapag ikaw ay hindi naligo, mas prone ka sa infection.

Pero kung ikaw ay maliligo, makakatulong ang paliligo ng maligamgam na tubig para mabawasan ang iyong panlalagkit, pagkairita at pagkapagod.

Thursday, February 16, 2017

Paano Tanggalin ang Langgam na Nakapasok sa Tenga

langgam sa tenga

Kapag may pumasok na insekto sa tenga, lalo na pag langgam, ito ay napakasakit. Tinanong ko ang ilan sa mga nakakatanda kung paano tanggalin ang langgam sa loob ng tenga. Narito ang ilang mga sagot nila:

1. Patakan ng langis o kaya ay baby oil. 


Pwede mong patakan nang kaunting langis, o kaya naman ay gumamit ka ng cotton buds. Ang langis kasi, nakakapigil sa paggalaw ng langgam na siyang nagiging sanhi ng pagsakit ng loob ng tenga.

2. Bugahan ang tenga ng usok ng sigarilyo.


Gamit ang straw ng softdrinks, bugahan ang tenga ng usok ng sigarilyo. Ang usok kasi ay nagsisilbing pesticide sa mga langgam.

3. Patakan ng tubig, suka, o agua oxigenada.


Sabi nila, para malunod yung langgam at di makapasok ang hangin.

4. Maglagay ng butil ng asukal, o pahiran ng laway malapit sa butas ng tenga.


Matamis daw kasi ang asukal at laway. Pang-akit sa langgam para lumabas.

5. I-flashlight ang tenga.


Para daw sundan ng langgam yung liwanag at nang lumabas.


Sa mga natanong ko, ang pinaka-maraming sagot para tanggalin ang langgam sa tenga ay ang pagpapatak ng langis at pagbubuga ng usok ng sigarilyo.

Tuesday, January 31, 2017

Ang Prutas at Dahon Nito ay Mabisang Pantanggal ng Mabahong Hininga

gamot sa mabahong hininga

Lahat tayo ay nagkakaroon ng mabahong hininga lalung-lalo na kapag bagong gising sa umaga, o kaya naman ay nakakain ng malalansang pagkain gaya ng bagoong, o kaya naman ay bawang. Pero natural lamang ito. Mawawala ang mabahong hininga kapag nagmumog at nagsipilyo.

Pero ibang usapan na kapag palagiang mabaho ang iyong hininga. Yung tipong kada buka ng bibig mo, umaalingasaw ang mabahong amoy kahit na tapos ka nang magsipilyo.

Ang mga madalas na sanhi ng pagkakaroon ng palagiang mabahong hininga ay ang bulok na ngipin, o kaya naman ay may problema ka sa bituka.

Para malinis ang iyong ngipin at loob ng tiyan, ang prutas na bayabas at ang dahon ng bayabas ay mabisang pantanggal ng mabahong hininga sapagkat may mga kemikal itong nakakatulong para gamutin ang mabahong hininga gaya ng malic, oxalic, phosperic at tannic acids; pati na rin calcium at manganese.

Para gamitin ang prutas ng bayabas sa paggamot ng mabahong hininga


1. Pumitas ng di kahinugang bayabas. Hugasan.
2. Kumain ng isang bayabas tuwing pagkatapos kumain para matanggal ang mga nagsingit na tinga sa ngipin.

Ang pagkain din ng bayabas ay nakakatulong para malinis ang loob ng tiyan. Bukod dito, mabisa rin ang bayabas para sa mga taong may gastroenteritis.

Para gamitin ang dahon ng bayabas sa paggamot ng mabahong hininga


Method 1 - Pagnguya ng dahon ng bayabas


1. Pumitas ng ilang sariwang dahon ng bayabas. Hugasan.
2. Ngatain o nguyain ang dahon hanggang sa madurog para kumatas.
3. Lunukin ang katas ng dahon ng bayabas.
4. Gawin ito 2x isang araw - umaga at bago matulog.


Method 2 - Paglaga ng dahon ng bayabas


1. Pumitas ng 1 tasang sariwang dahon ng bayabas. Hugasan.
2. Pakuluan ito sa 2 tasang tubig.
3. Salain.
4. Inumin ang pinaglagaan 2x isang araw.


Method 3 - Pagsunog ng dahon ng bayabas


1. Pumitas ng ilang sariwang dahon ng bayabas. Hugasan.
2. Sunugin ang mga dahon hanggang sa maging abo.
3. Gamiting parang toothpaste ang abo ng mga dahon.
4. Sipilyuhin ang ngipin gamit ang abo ng dahon ng bayabas 1-2x isang araw.

Wednesday, January 25, 2017

Pansit-Pansitan: Herbal na Gamot sa Arthritis

pansit pansitan herbal na gamot sa arthritis

Kung ikaw ay naghahanap ng herbal na gamot sa arthritis, ang pinaka-mainam na halamang gamot para rito ay pansit-pansitan o ulasimang bato.

Ang pansit-pansitan ay halamang herbal na madalas tumubo sa mga malililim at mabasa-basang paligid gaya ng mga ilalim ng puno, gilid-gilid ng bahay, mga paso ng halaman, dingding, kanal, at iba pa. Nagkalat ang halamang gamot na ito sapagkat madali lang itong tumubo parang mga damong ligaw.

Ang itsura ng pansit-pansitan ay ganito:


May mga berdeng dahon na hugis puso, may malambot at matubig na stems, at may mga maliliit na buto na parang nakadikit sa hugis pansit na sanga sa tuktok ng halaman.

Bagamat para lamang damong ligaw ang pansit-pansitan, isa ito sa mga aprubadong 10 halamang gamot ng DOH, at ang madalas na gamit talaga nito ay para gamutin ang sakit na rayuma o arthritis.

Para  i-prepara at kainin ang pansit-pansitan, pwedeng gawin ang mga sumusunod:

Pansit-pansitan tsaa

1. Pumitas ng mga dahon (pwede ring may stems) ng pansit-pansitan.
2. Hugasan ang mga ito.
3. Gayatin ang dahon at stems sa maliliit na piraso.
4. Kada 1 tasa ng tinadtad na pansit-pansitan, haluan ito ng 4 na tasa ng tubig.
5. Pakuluan sa loob ng 10-15 minutes.
6. Salain.
7. Inumin ang tsaa 3x a day.

Source: Medical Health Guide

Pansit-pansitan salad

1. Pumitas ng mga dahon at stem ng pansit-pansitan. Hugasan.
2. Pwede na itong kaining nang sariwa. Walang halo na kung anu-ano.
3. O kaya naman, para may mas masarap na lasa, pwedeng lagyan ang pansit-pansitan salad ng asin, paminta, at mayonnaise.

*Ang lasa raw ng pansit-pansitan ay parang hilaw na pechay at repolyo, lalo na yung stems nito. Pero yung dahon, mas masarap daw. Sources: Food Recap and The Fairy Tribe

Sunday, January 15, 2017

Nakakahawa Ba ang Balakubak? Ating Alamin



May nagtanong sa akin kung nakakahawa ba raw ang balakubak o dandruff. Dati raw kasi, hindi siya binabalakubak. Pero noong nagka-asawa siya, tsaka raw siya nagkaroon ng balakubak. Suspetsa niya ay nahawaan siya ng kanyang asawa dahil may balakubak daw ito. At dahil natutulog sila sa iisang kama, inakala niya na nahawaan siya ng fungi ng balakubak na nanlagi sa mga unan.

Balakubak at fungi


Oo nga naman. Kung ating iisipin, parang pwede ngang makahawa ang taong may balakubak kasi ang isa sa mga sanhi ng pagkakaroon ng balakubak ay isang uri ng fungus na tinatawag na malassezia.

At kadalasan, ang mga sakit na balat na ang sanhi ay fungi gaya ng buni, an-an, alipunga o hadhad ay nakakahawa lalo na kapag ginamit mo ang mga personal na bagay ng mga taong apektado nito.

Nakakahawa ba ang balakubak?


Good news mga readers ng Pinoy Health Tips. Ayon sa Kalusugan.ph, hindi nakakahawa ang balakubak. Bagamat ang isa sa mga sanhi ng pagkakaroon ng balakubak ay fungi, hindi ito nakakahawa.

Kung ikaw ay hindi binabalakubak dati pero nagkaroon ngayon, marahil isa rito ang mga sanhi:

  • naging mas oily ang iyong balat, lalo na sa anit
  • madalas na paggamit ng matatapang na produkto sa buhok gaya ng shampoo, conditioner, gel, hair spray
  • masyado ka nang stress
  • hindi ka na masyadong makapagbanlaw ng buhok nang ayos, o poor hygiene


Ang masasabi ko lang dun sa nagtanong sakin kung bakit siya nagka-balakubak magmula nang siya ay mag-asawa, marahil ang pagkakaroon ng buhay mag-asawa ay nagdulot ng stress sa kanya kaya siya binalakubak.

Saturday, January 7, 2017

Luyang Dilaw Para sa Hika: Nakakagaling Nga Ba Ito?

luyang dilaw para sa hika

Ayon sa American Academy of Allergy Asthma and Immunology, mayroong mahigit-kumulang na 300 milyong katao ang may hika o asthma sa buong mundo. Ang masama pa nito, mayroong 250,000 katao ang namamatay taun-taon dahil sa sakit na ito.

Maraming mga Pinoy na may hika ang walang kakayanang bumili ng mga asthma inhaler o nebulizer dahil ang mga ito ay nagkakahalaga ng 400-2000 pesos pataas.

Bagamat pwedeng pumunta sa mga barangay health center para makahiram ng aparato, mas maigi pa rin na mayroon kang sarili mong gamit na pwede mong mahigit kahit anong oras lalo na kapag emergency.

Kung wala talagang maipambili ng gamot para sa hika, maaaring mag-try muna ng mas murang alternatibo gaya ng mga halamang gamot. Ang ilan sa mga halamang gamot na kilalang nakakapagpagaling ng hika ay ang luyang dilaw.


Luyang dilaw para sa hika


Ang luyang dilaw (turmeric in English) ay luya na ang laman ay kulay orange. Madalas itong ginagamit na pampalasa at pampakulay sa mga niluluto gaya ng tinola, sweet and sour fish, adobo sa dilaw, at marami pang iba. Masarap din naman, pero para sakin, mas masarap pa rin yung pangkaraniwang luya o ginger.

luyang dilaw
Image Source

Bukod sa ginagawa itong pampalasa at pampakulay, ang luyang dilaw ay epektibo ring gamot para sa hika. Ang luyang dilaw ay may kakayanang:

- paluwagin ang blood vessels para makapasok nang mas maigi ang dugong may oxygen
- i-relax ang mga namamagang muscles sa paligid ng respiratory system o daluyan ng hangin
- ibalik ang normal na paghinga

...dahil sa taglay nitong anti-inflammatory compounds, o anti-pamamaga.


Paano inumin ang luyang dilaw para sa hika


Iba't iba ang pagpreprepare ng luyang dilaw para sa hika. Pero ang pinakamadaling gawin ay ang turmeric tea.

Ingredients:

1 kutsarita - tinadtad o niyadyad na luyang dilaw
4 tasa - tubig
1 piraso calamansi o 1 kutsarita honey (optional)

How to prepare:

1. Pakuluan ang 4 na tasang tubig.
2. Pagkakulo, ilagay ang niyadyad na luyang dilaw.
3. Pahinaan ang apoy, at hayaang kumulo pa ng 8-10 minuto.
4. Salain ang tsaa para maalis yung buo-buong luyang dilaw.
5. Magsalin sa isang tasa.
6. Pigaan ng calamansi, o haluan ng honey kung ayaw mo nung lasa ng purong luyang dilaw.

Uminom ng turmeric tea 3-5x per day.


Must Read

loading...